काठमाडौं- गत साउन ९ गते त्रिभुवन विमानस्थलबाट पोखरा जाने क्रममा काठमाडौंमा भएको सौर्य एयरको जहाज दुर्घटनामा घाइते पाइलट मनिषरत्न शाक्य बिहीबार अस्पतालबाट डिस्चार्ज हुने भएका छन् ।
काठमाडौं मेडिकल कलेजका निर्देशक प्रा.डा. मीना थापाले क्याप्टेन शाक्यको स्वास्थ्यमा निकै सुधार भएकाले डिष्चार्ज गर्ने तयारी भएको जानकारी दिइन् ।
शाक्य ९ गतेदेखि काठमाडौंको सिनामंगलस्थित काठमाडौं मेडिकल कलेजमा उपचार भइरहेको थियो ।
उनको स्वास्थ्य अवस्था हाल सामान्य रहेको अस्पतालले जनाएको छ । पाइलट शाक्यको मेरुदण्ड र करङमा चोट लागेको थियो ।
डिस्चार्ज भए पनि उनलाई नेपाल नागरिक उड्ययन प्राधिकरणले जहाज दुर्घटनाबारेमा कुनै किसिमको टिप्पणी गर्न र बोल्न रोक लगाएको छ।
प्रकाशित : २०८१ श्रावण १७, बिहीबार १६:२६ गते
